२४ लाखलाई काम खुल्दैछ देशमा, किन विदेश ?

Visit : २४ लाखलाई काम खुल्दैछ देशमा, किन विदेश ?

काठमाडौं– बस टिकट काउन्टरमा काम गर्ने रौतहटका प्रभात भुजेलले विदेश जान म्यानपावर कम्पनीमा पासपोर्ट बुझाएको ३ महिना हुन लाग्यो। छिटै उड्न पाइएला भनेर १० हजार रुपैयाँ तिरेर पासपोर्ट बनाएका उनी विदेश जाने दिन गन्ती गरेर बसेका छन्।

'नेपालमा कमाएको पैसा खाँदा बस्दा सकिन्छ विदेश गए केही बचत हुन्थ्यो कि', उनी भन्छन्, 'दुई तीन वर्ष विदेश बसे राम्रो बन्दबस्त गर्न सकिन्थ्यो भन्ने लागेको छ।' रोजगार अनुमति पाए उनी छिटै मलेसिया उड्नेछन्।

नेपालको निर्माण क्षेत्रमा रोजगारीका प्रशस्त अवसर छन् भन्ने विषयलाई प्रभातले खासै ध्यान दिएका छैनन्। देशभित्रै निर्माण क्षेत्रमा काम गर्ने मजदुरको अभाव छ। मलेसियामा काम गर्ने एउटा मजदुरले सरदर २५ हजार नेपाली रुपैयाँ मुस्किलले बचत गर्न सक्छन्। नेपालमै पनि निर्माण र कृषि मजदुरको ज्याला पनि मासिक सरदर २५ हजार पुग्न लागिसक्यो।

भूकम्पछिको पुनर्निर्माणका लागि कामदारको माग बढेको छ। यसका लागि सरकारले मध्यम स्तरको दक्ष जनशक्ति तयार गर्न यसै आर्थिक वर्षभित्र देशभरका ५० हजार युवालाई तालिम दिने कार्यक्रम बजेटमै समावेश गरेको छ। सरकारको यो तयारीबारे धेरै युवा बेखबर छन्। थाहा पाएकाहरु पनि सरकारले तालिम देला र सीपयुक्त भइएला भनेर पत्याउने स्थितिमा छैनन्।

Read more »


For Address information visit Lok Sewa Aayog Office Address and for more information about Lok Sewa visit Lok Sewa Aayog